डोंबिवली/प्रतिनिधी – कामगारांच्या न्याय्यहक्कासाठी टोकाचा संघर्ष करा, प्रसंगी रस्त्यावर उतरून ठोकपीठ करा. पण विवेक तुटला तर कामगार उद्ध्वस्त होतो, याचेही भान ठेवा, असे प्रतिपादन भाजपचे प्रदेशाध्यक्ष नितीन गडकरी यांनी शनिवारी येथे केले.
भारतीय जनता कामगार महासंघ संलग्नित भाजप जनरल कामगार युनियनचा भव्य कामगार मेळावा सावित्रीबाई फुले येथे आयोजित केला होता. यावेळी आमदार विनोद तावडे, नगरसेवक व युनियनचे अध्यक्ष रवींद्र चव्हाण, आमदार हरिश्चंद्र पाटील, आ. संजय केळकर, ठाणे विभागाध्यक्ष जगन्नाथ पाटील, संघटनमंत्री बाबा देसाई, उपमहापौर नरेंद्र पवार, महासंघ प्रदेश चिटणीस अशोक गोडबोले उपस्थित होते.
गडकरी म्हणाले, वाढत्या नागरीकरणाचा गैरफायदा घेऊन आतापर्यंत कामगारांचे शोषण कामगार संघटना, त्यांचे नेते करत आले आहेत. कामगार नेते श्रीपाद डांगे, दत्तोपंत ठेंगडी, पं. दीनदयाळ उपाध्याय यांनी कामगारांचे नेतृत्व करून जी चळवळ सुरू केली होती, ती आता लुप्त झाली आहे. सामान्य जनतेचा विचार करून देशाच्या भवितव्याची सांगड घालून या मंडळींनी कामगार चळवळ उभारली. राजकारणात त्यांनी समाजकारण पाहिले म्हणून आदर्शवत असे काम ते करू शकले. पण आता युनियन म्हणजे एक धंदा झाला आहे. कामगारांच्या करारातून टक्केवारी काढायची आणि त्या पैशातून विमानातून फेऱ्या मारायच्या, एवढेच धंदे या नेत्यांनी केले आहेत. हा प्रकार भाजप कामगार संघाने कधी केला नाही आणि यापुढे करणार नाही, याचा विश्वास असल्यामुळेच आज रवींद्र चव्हाण यांच्या युनियनमध्ये सुमारे तीन ते चार हजार कामगार सहभागी झाले आहेत.
आपल्याला न्याय कोण मिळून देतो, आपले हक्क आपल्याला मिळतात एवढेच कामगार पाहात असतो. हे करणारा नेता जर प्रश्नमाणिक, निष्ठेने काम करणारा असेल तर कामगार नेता कोणत्या पक्षाचा, जाती-धर्माचा हे न पाहता कामगार त्या नेत्याच्या पाठीमागे धावत असतो. अशाप्रकारचे काम केल्यामुळे नागपूरला काँग्रेसप्रणीत इंटकच्या अध्यक्षपदी बसण्याचा बहुमान आपणास मिळाला होता. सावित्रीबाई फुले रंगमंदिरात एक हजार आसनक्षमता असताना सुमारे दीड ते दोन हजार कार्यकर्ते उपस्थित होते.
येत्या तीन महिन्यात तुम्ही तुमची ताकद दाखवून द्या, ठाणे जिल्ह्य़ात सात ते आठ ठिकाणी आम्हाला जागा मिळवून द्या, अख्खे भाजपचे आमदार विधिमंडळात आपल्या प्रश्नांवर आवाज उठवून तुम्हाला न्याय मिळवून देतील. असंघटित क्षेत्रातील कामगारांना न्याय मिळून देणे ही सामाजिक लढाई आहे.
त्यांना न्याय मिळून देण्यासाठी प्रसंगी ठोकपीठ करा, काहीही होत नाही, रस्त्यावर उतरा, असे आवाहन चव्हाण यांना उद्देशून गडकरी यांनी केले. कामगारांच्या प्रश्नाकडे सत्तेच्या राजकारणापेक्षा सेवेच्या नजरेतून पाहणे आवश्यक आहे. कामगार कुटुंब, त्यांची शाळकरी मुले, आरोग्य या प्रश्नांकडे पाहणे आवश्यक आहे.
संघटना चालविताना आपण विवेक बाळगला पाहिजे, अन्यथा दत्ता सामंत यांना विवेकाचे भान राहिले नाही, कंपन्या तोटय़ात असताना बोनस मागितले आणि शेवटी लढवय्या कामगार देशोधडीला लागला, असेही गडकरी यांनी सांगितले.
अध्यक्ष रवींद्र चव्हाण म्हणाले, पालिकेतील व अन्य क्षेत्रांतील असंघटित कामगारांनी माझ्या युनियनवर जो विश्वास दाखविला आहे, त्याला मी तडा जाऊ देणार नाही. भाजपने माझ्यावर जी जबाबदारी टाकली आहे, ते काम मी प्रश्नमाणिकपणे करत असल्याने त्याची पावती या कामगार गर्दीच्या रूपाने मला मिळाली आहे, त्याचे दृश्य फलस्वरूप लवकरच पाहण्यास मिळेल.
आमदार तावडे म्हणाले, कामगारांना हक्क मिळून देण्यासाठी चव्हाण हे नक्की प्रयत्न करतील. जर चव्हाण पालिकेत महापौर झाले आणि कामगारांचा काही प्रश्न निर्माण झाला तर ते निश्चित कामगारांच्या बाजूने रस्त्यावर उतरतील. कामगारांना आशा आहेत म्हणून ते भाजप कामगार युनियनमध्ये दाखल झाले आहेत. त्यांना येथे नक्कीच न्याय मिळून दिला जाईल.

बंधुराज लोणे , मुंबई, २० जुलै
राज्यकर्ते आणि नोकरशहा यांच्या अभद्र युतीने मुंबईच्या पर्यावरणाचे संतुलन धोक्यात आले असून मुंबईत सध्या दर माणशी केवळ १.७ मीटर मोकळी जागाच शिल्लक असल्याचे धक्कादायक वास्तव सामोरे आले आहे. केंद्र सरकारच्या ‘नॅशनल बिल्डिंग कोड’च्या नियमानुसार दर माणशी तीन मीटर मोकळी जागा असणे आवश्यक आहे.
मुंबईतील ३ हजार १०६ राखीव हरित भूखंडांपैकी ४० टक्के जागांवर राज्यकर्त्यांच्या आशीवार्दाने बांधकाम करण्यात आले आहे. हे एकूण बांधकाम विचारात घेतल्यास त्यांचे क्षेत्रफळ ६५ ओव्हल मैदानांएवढे भरते. दिवसेंदिवस हरित भूखंडांचा घास वेगाने घेतला जात असल्याने मुंबईकरांच्या आरोग्यावर या बाबीचा दूरगामी परिणाम होणे अटळ असल्याचे पर्यावरणतज्ज्ञांचे म्हणणे आहे.
मुंबईच्या विकास आराखडय़ानुसार ३ हजार १०६ राखीव हरित भूखंडापैकी २८.४४ चौरस किमी जागा मुंबईकरांसाठी मोकळी ठेवण्यात आली होती. म्हणजेच मुंबईच्या एकूण क्षेत्रफळाच्या केवळ सहा टक्के ! मात्र हरित भूखंडांवर मोठय़ा प्रमाणावर बांधकामे करण्यात आल्याने विकास आराखडय़ानुसार ठेवण्यात आलेली ही जागाही मुंबईकरांसाठी मोकळी राहिलेली नाही. मुंबईची लोकसंख्या आणि एकूण मोकळ्या जागांचे प्रमाण लक्षात घेतले तर प्रत्येक मुंबईकरांसाठी फक्त १.७ मीटर जागाच आता मोकळी आहे, अशी माहिती ‘अर्बन डिझाईन रिसर्च इन्स्टिटय़ूट’चे कार्यकारी संचालक पंकज जोशी यांनी दिली. मुंबईचे शांघाय करण्याच्या घोषणा राज्यकर्त्यांंनी केल्या. मात्र शांघायमध्ये दर माणशी ११ मीटर मोकळी जागा आहे. १९९० मध्ये शांघायमध्ये हे प्रमाण फक्त १.०२ मीटर होते. नंतरच्या काळात शांघायमध्ये विकास धोरण बदलण्यात आले आणि दर माणशी मोकळी जागा मोठय़ा प्रमाणात वाढविण्यात आली. ती न्यूयॉर्कच्या (दर माणशी ४.७६ मीटर) जवळजवळ दुप्पट आहे. मात्र मुंबईतील हे भयानक चित्र बदलता येईल, असा ‘अर्बन डिझाईन रिसर्च इन्स्टिटय़ूट’चा दावा आहे. मुंबईत सध्या संजय गांधी राष्ट्रीय उद्यान ४६.५ कि.मी, तिवरांचे जंगल ३७.३ किमी, १०.६८ कि.मी मिठागरे, १३.३५ कि.मी. दलदलीची मोकळी जागा आहे. यापैकी बऱ्याच जागेवर बांधकामे झालेली आहेत. मात्र तरीही सरकारने ठरविले आणि या जागांचे संरक्षण केले तरी ती मुंबईकरांच्या आरोग्यासाठी मोठी दिलासा देणारी बाब ठरेल, अशी सूचना या संस्थेने केली आहे. मुंबईतील २६ प्रभागांत मोकळ्या जागांची तुलनात्मक स्थिती काय आहे याची माहिती ‘अर्बन डिझाईन रिसर्च इन्स्टिटय़ूट’च्या अहवालात देण्यात आली आहे. त्यानुसार शहरातील नऊ प्रभागांत आता ४,४४०,७३८ मीटरच मोकळी जागा शिल्लक आहे. तर पश्चिम उपनगरातील नऊ प्रभागांत ९,३५३,४५८ मीटर मोकळी जागा शिल्लक आहे. पूर्व उपनगरात ९,३८९,८०६ मीटर मोकळी जागा असल्याचे अहवालात नमूद करण्यात आले आहे.

घोडबंदर रोडवरील हजारो रहिवाशांना वायूप्रदूषणामुळे जगणे अवघड करणाऱ्या कंपन्यांविरोधात सर्वसामान्य जनताच आज भाजप आमदार संजय केळकर यांच्या नेतृत्वाखाली धरणे आंदोलनास बसल्याने धास्तावलेल्या प्रदूषण नियंत्रण मंडळाच्या अधिकाऱ्यांनी अखेर या कंपन्यांविरुद्ध गुन्हा दाखल करण्याचे लेखी आश्वासन दिले.
घोडबंदर रोडवरील रवी इंडस्ट्रीज, शांती टेक्स्टाईल व नरेंद्र सिल्क मिल या कंपन्यांमधून बाहेर पडणारा उग्र दर्पाचा वायू, तसेच काळ्याकुट्ट धुरामुळे माजिवडा, ढोकाळी, तत्त्वज्ञान विद्यापीठ, कोलशेत रोड, पोखरण-२ येथील असंख्य नागरिकांना श्वसनाचे, तसेच त्वचाविकार होत आहेत. विशेषत: लहान मुलांना या प्रदूषणाचा त्रास जास्त होत होता. याविरोधात सत्यजित शहा, दीपाली पाटील, मैथिली चेंदवणकर, सत्यजित आहेर, सुहास पोतनीस, सुनील बारहाते आदी जागरुक रहिवाशांनी लढा सुरू केला होता. ‘लोकसत्ता’ने हा विषय सतत लावून धरलेल्या या प्रकरणात आमदार केळकर यांनीही या कंपन्यांवर कारवाई व्हावी यासाठी प्रयत्न चालविले होते. नरेंद्र सिल्क मिल या कंपनीला सूचना, नोटिसा देऊनही या कंपनीने प्रदूषण नियंत्रण करणारी यंत्रणा बसविण्यास टाळाटाळ केल्याने अखेर ती बंद झाली.
उर्वरित दोन कंपन्यांमुळे प्रदूषणाचा त्रास वाढत गेल्याने त्यांच्यावरही कारवाई करण्याची मागणी होत होती, पण राष्ट्रवादीच्या एका वजनदार मंत्र्याच्या दबावामुळे प्रदूषण नियंत्रण मंडळाचे अधिकारी शांत बसून होते. अखेर शनिवारी आमदार संजय केळकर यांच्या नेतृत्वाखाली रहिवासी एकत्र आले व येथील प्रदूषण नियंत्रण मंडळाच्या कार्यालयासमोर धरणे धरले. ‘शुद्ध स्वच्छ मोकळी हवा, मिळणार आम्हाला केव्हा? ’, घोडबंदर रोड भोपाळ होण्यापासून वाचवा’, ‘प्रदूषणाचा लागला फास, केव्हा मिळणार मोकळा श्वास’ असे फलक घेऊन मुले व महिलाही या अभिनव आंदोलनात सहभागी झाले होते. रहिवाशांनी घोषणाबाजी केली. नंतर मंडळाचे अधिकारी पोहेकर हे आले व त्यांनी उपरोक्त दोन कारखान्यांविरुद्ध गुन्हा दाखल करण्याचे लेखी आश्वासन दिले, तसेच याप्रकरणी मंडळाच्या सायन येथील कार्यालयात मंगळवारी बैठक घेण्याचेही त्यांनी मान्य केले. या बैठकीस मंडळाचे सचिव, तसेच दोन्ही कारखान्यांतील वरिष्ठ अधिकारी उपस्थित राहणार आहेत. मंदीच्या काळात कारखाने बंद होऊन तेथील कामगार देशोधडीला लागू नयेत, अशीच आमची इच्छा आहे. या कारखान्यांनी प्रदूषण नियंत्रणासाठी आवश्यक ती उपकरणे बसवावीत, हाच आमचा आग्रह असल्याचे आमदार केळकर यांनी स्पष्ट केले.

- शहीद पोलीस प्रकाश मोरे यांचे नाव

मुंबई, दि. 15 (प्रतिनिधी) – मुलुंड पूर्वेच्या द्रुतगती मार्गावरील टोलनाक्याजवळच्या उड्डाणपुलाचे उद्धाटन होऊनही गेले अनेक दिवस हा पूल वाहतुकीसाठी बंद होता. अखेर जनतेची गैरसोय दूर करण्यासाठी शिवसेना ईशान्य मुंबई विभाग क्र. 3 चे विभागप्रमुख सुधीर मोरे यांच्या नेतृत्वाखाली शिवसैनिकांनी पूल वाहतुकीसाठी खुला केला.

या पुलाला 2611 च्या अतिरेकी हल्ल्यात शहीद झालेले पीएसआय प्रकाश मोरे यांचे नाव देण्यात आले. या धडक आंदोलनात सहभागी झालेल्या 22 शिवसैनिकांना पोलिसांनी अटक करून त्यांची जामिनावर सुटका केली.

या धडक आंदोलनात महिला विभाग संघटक संध्या वडावकर, उपविभागप्रमुख मुकुंद थोरात, प्रकाश वाघ, सुधा पेडणेकर, अरुण सावंत, अशोक पाटील, नगरसेवक प्रभाकर शिंदे, कुमार पांडे, रमेश कोरगांवकर, नगरसेविका ज्योती वैति, मीनाक्षी पाटील, माजी महापौर दत्ता दळवी, माजी नगरसेवक बाबा कदम, भारतीय विद्यार्थी सेना विभाग संघटक विजय गवई, राजेश कारेकर, ग्राहक संरक्षण अरविंद शिंदे, महिला उपसंघटक वैशाली कुलकर्णी, रशमी पहुडकर, शाखाप्रमुख दिनेश जाधव, विजय पडवळ, कृष्णा शेलार, राजन कांदेकर, भाविसे उपाध्यक्ष संजय मशीलकर, शेखर जाधव, सुनील राऊत, राजेंद्र राऊत, धर्मानंद पंथ आदींनी भाग घेतला होता.

]]> http://bjpbatamya.wordpress.com/2009/07/16/%e0%a4%ae%e0%a5%81%e0%a4%b2%e0%a5%81%e0%a4%82%e0%a4%a1-%e0%a4%9f%e0%a5%8b%e0%a4%b2%e0%a4%a8%e0%a4%be%e0%a4%95%e0%a5%8d%e0%a4%af%e0%a4%be%e0%a4%b5%e0%a4%b0%e0%a5%80%e0%a4%b2-%e0%a4%89%e0%a4%a1%e0%a5%8d/feed/ 0 tibetinindia http://www.saamana.com/static/images/saamanalogo.gif http://bjpbatamya.wordpress.com/2009/07/16/%e0%a4%b6%e0%a4%bf%e0%a4%b5%e0%a4%b8%e0%a5%87%e0%a4%a8%e0%a5%87%e0%a4%9a%e0%a5%8d%e0%a4%af%e0%a4%be-%e0%a4%a6%e0%a4%a3%e0%a4%95%e0%a5%8d%e0%a4%af%e0%a4%be%e0%a4%a8%e0%a5%87-%e0%a4%85%e0%a4%96%e0%a5%87/ http://bjpbatamya.wordpress.com/2009/07/16/%e0%a4%b6%e0%a4%bf%e0%a4%b5%e0%a4%b8%e0%a5%87%e0%a4%a8%e0%a5%87%e0%a4%9a%e0%a5%8d%e0%a4%af%e0%a4%be-%e0%a4%a6%e0%a4%a3%e0%a4%95%e0%a5%8d%e0%a4%af%e0%a4%be%e0%a4%a8%e0%a5%87-%e0%a4%85%e0%a4%96%e0%a5%87/#comments Thu, 16 Jul 2009 02:52:11 +0000 Anay http://bjpbatamya.wordpress.com/?p=256 ]]>

मुंबई, दि. 15 (प्रतिनिधी) – शिवसेनेच्या जबरदस्त आंदोलनाच्या दणक्यापुढे अखेर सरकार नमले असून रिलायन्स एनर्जीने उपनगरवासीयांवर लादलेल्या अन्याय्य वीज दरवाढीला आज स्थगिती देण्यात आली. एमईआरसीने या वीज दरवाढीला स्थगिती देतानाच भरलेली वाढीव बिलाची रक्कम पुढील बिलातून वजा करण्याचेही आदेश दिले आहेत. या आदेशामुळे मुंबई उपनगरातील हजारो वीजग्राहकांना दिलासा मिळाला आहे.

रिलायन्स एनर्जीच्या वीज दरवाढीविरोधात ग्राहकांमध्ये जबरदस्त असंतोष होता. या असंतोषाला वाट मोकळी करून देतानाच शिवसेनेने रिलायन्सच्या सांताक्रुझच्या मुख्यालयावर जबरदस्त धडक दिली. हे आंदोलन चिरडण्यासाठी पोलिसांनी अमानुष लाठीमार केला. त्यात शिवसेनेच्या रणरागिणी सुभद्रा कदम यांचा एक डोळा निकामी झाला. या आक्रमक आंदोलनानंतर शिवसेनेचे शिष्टमंडळ विरोधी पक्षनेते रामदास कदम यांच्या नेतृत्वाखाली मुख्यमंत्री अशोक चव्हाण यांना भेटले. या दरवाढीत सरकारने हस्तक्षेप करण्याची मागणी शिवसेनेने केली. या दणक्यामुळेच चौकशीचे आदेश जारी झाले आणि दरवाढही मागे घेण्यात आली.

महाराष्ट्र राज्य विद्युत नियामक आयोग आता वीज खरेदी, भांडवली खर्च आणि वीज मीटरची तपासणी याबाबत छाननी करणार असून यासंदर्भातला आपला अहवाल राज्य सरकारला सादर करीपर्यंत आणि त्याबाबतचा निर्णय होईपर्यंत रिलायन्स एनर्जीची वीज दरवाढ स्थगित ठेवण्यात येईल, असेही ऊर्जामंत्री सुनील तटकरे यांनी स्पष्ट केले.

रिलायन्सचे मूळ वीजदर

युनिटस् – दर (रु.)

100 – 202

200 – 604

300 – 1006

500 – 2430

उपनगरातही ‘बेस्ट’

मुंबई शहरात बेस्टकडून वीजपुरवठा करण्यात येतो. त्यांची तयारी असेल तर उपनगरातल्या वीज ग्राहकांना वीजपुरवठा करण्यासाठी बेस्टने नियामक आयोगाकडे परवानगी मागावी, सरकारची हरकत नाही असे ऊर्जामंत्री सुनील तटकरे यांनी सांगितले.

सरकारची ट्रेडिंग कंपनी

राज्यातल्या वेगवेगळया संस्थांना वीजपुरवठा करण्यासाठी राज्य सरकार स्वत:ची एक ट्रेडिंग कंपनी स्थापन करण्याच्या विचारात असल्याचे ऊर्जामंत्री सुनील तटकरे यांनी सांगितले.

समान दरांचा विचार

मुंबई शहर व उपनगर आणि महाराष्ट्रात वीज ग्राहकांसाठी समान दर आकारण्याबाबत राज्य सरकार योग्य तो विचार करील असे ऊर्जामंत्र्यांनी सांगितले. सरकार कोणत्याही कंपनीला सबसिडी देणार नाही असेही त्यांनी स्पष्ट केले.

आवाज शिवसेनेचाच

आवाज कुणाचा तर फक्त शिवसेनेचाच हेच या निर्णयात सिध्द झाल्याची प्रतिक्रिया शिवसेना कार्यकारी प्रमुख उध्दव ठाकरे यांनी आज व्यक्त केली.

रिलायन्स वीज दरवाढीमुळे सामान्य मुंबईकरांचे कंबरडे मोडले होते. शिवसेनेच्या भगव्या झेंडयाखाली मुंबईकर एकवटला. एक जबरदस्त आंदोलन झाले व सरकारला गुडघे टेकावे लागले. हा जनतेचा विजय आहे असे सांगून उध्दव ठाकरे यांनी आंदोलनात सहभागी झालेल्या सर्व शिवसैनिक व जनतेचे जाहीर आभार मानले. वीज दरवाढ रद्द केली याचे श्रेय फक्त रस्त्यावर उतरलेल्या तमाम शिवसैनिकांनाच आहे. त्यांनी रक्त सांडले, पोलिसी दंडुक्यांनी डोकी फोडून घेतली पण भगव्या झेंडयाची शान कायम राखली. सुभद्रा कदम या शिवसेनेच्या रणरागिणीचा त्याग तर मोठा आहे. त्यांच्या डोळयास पोलिसी लाठीहल्ल्याने जबरदस्त दुखापत झाली. त्यांच्यासारख्यांच्या त्यागामुळेच लाखो मुंबईकरांची वीज दरवाढीच्या संकटातून सुटका होऊ शकली. या विजयाची फुले मी सुभद्रा कदमांसारख्या असंख्य शिवसैनिकांच्या चरणी अर्पण करीत आहे.

लाचार शिरोमणी शरद पवार

वांद्रे-वरळी सागरी सेतूला राजीव गांधी यांचे नाव सुचवणाऱ्या राष्ट्रवादीचे अध्यक्ष शरद पवार यांची लाचार शिरोमणी अशा शब्दांत उध्दव ठाकरे यांनी संभावना केली.

‘वीज बिल बंद’ करू!

शिवसेना एखादा विषय हाती घेते तो सोडवल्याशिवाय राहत नाही. विजेच्या भरमसाट दरवाढीच्या निषेधार्थ शिवसेनेने रिलायन्स एनर्जीवर प्रचंड मोर्चा काढला. मुदत दिली. ती मुदत संपायला आली आहे. जर मुदत संपण्याच्या आत काही निर्णय झाला नाही तर रिलायन्स असो वा बेस्ट आणि आणखी कुणी, आम्ही वीज बिल बंद आंदोलन केल्याशिवाय राहणार नाही, असा इशाराही त्यांनी दिला.

घर देता का चालते होता?

शेतकऱ्यांच्या कर्जमाफीसाठी शिवसेनेने काढलेल्या ‘देता का जाता’ या आंदोलनाचा संदर्भ देत उध्दव ठाकरे म्हणाले, ‘भूमिपुत्रांसाठी घर देता का चालते होता? उद्याचा भविष्यकाळ हा मुंबईवाल्या मराठी माणसाचा आहे आणि तुम्हा-आम्हा सर्वांचा, भगव्याचा आहे. आज मराठी माणसाला आलेली ही जाग ही आग दिसली पाहिजे. जो कोणी बिल्डर असेल त्याला जाब विचारा. त्याच्याकडून घर ताब्यात घ्या. 105 जणांच्या हौतात्म्याने मुंबई मिळालेली आहे. जो मराठी माणसाच्या मुळावर येईल त्याला मुळासकट उखडून टाकल्याशिवाय राहणार नाही.’

मुंबई, १५ जुलै / खास प्रतिनिधी
लोकसभा निवडणुकीच्या वेळी पक्षाच्या दुसऱ्या फळीतील नेत्यांवर टाकलेली जबाबदारी ते योग्यपणे पार पाडू न शकल्याने विधानसभा निवडणुकीची सारी सूत्रे राष्ट्रवादी काँग्रेसचे अध्यक्ष शरद पवार यांनी स्वत:च हाती घेतली आहेत. लोकसभा निवडणुकीत बसलेल्या फटक्याच्या पाश्र्वभूमीवर प्रत्येक जिल्ह्य़ातील आठ ते दहा मुख्य नेत्यांशी पवार हे येत्या शुक्रवारपासून तीन दिवस संवाद साधणार आहेत.
लोकसभा निवडणुकीची जबाबदारी पवारांनी दुसऱ्या फळीतील नेत्यांवर सोपविली होती. लोकसभा निवडणुकीत पक्षाला चांगलाच फटका बसला. राष्ट्रवादी चौथ्या क्रमांकावर फेकला गेला. या पाश्र्वभूमीवर विधानसभा निवडणुकीची सारी सूत्रे पवारांनी सुरुवातीपासून स्वत:कडे घेतली आहेत. पक्षाचे मंत्री, आमदार व पदाधिकाऱ्यांशी पवारांनी लोकसभा निकालाबाबत चर्चा केली. आता येत्या शुक्रवारपासून रविवापर्यंत तीन दिवस पवार हे प्रत्येक जिल्ह्य़ातील नेत्यांशी मुंबईतील पक्षाच्या कार्यालयात चर्चा करणार आहेत. प्रत्येक जिल्ह्य़ातील आठ ते दहा प्रमुख नेत्यांनाच निमंत्रित करण्यात आल्याचे पक्षाचे राष्ट्रीय सरचिटणीस गोविंदराव आदिक यांनी सांगितले. या वेळी पवार हे जिल्ह्य़ातील राजकीय परिस्थिती, पक्षांतर्गत गटबाजी याचा आढावा घेणार आहेत. लोकसभा निवडणुकीच्या वेळी राष्ट्रवादीला गटबाजीचा मोठय़ा प्रमाणावर फटका बसला होता. या पाश्र्वभूमीवर गटबाजी आणखी वाढू नये, असा पवारांचा प्रयत्न आहे. शुक्रवारी पवार हे उत्तर महाराष्ट्रातील पदाधिकाऱ्यांशी चर्चा करणार आहेत. शनिवारी मराठवाडा व सांगली आणि कोल्हापूर जिल्ह्य़ातील नेत्यांबरोबर तर रविवारी विदर्भातील पदाधिकाऱ्यांशी संवाद साधणार आहेत. मुंबई व ठाण्यातील पदाधिकाऱ्यांशी दुसऱ्या टप्प्यात संवाद साधणार आहेत. काँग्रेसबरोबर जागावाटपात १२० ते १२५ पेक्षा जास्त जागा वाटय़ाला येण्याची शक्यता कमीच आहे. लोकसभा निवडणुकीतील राष्ट्रवादीला बसलेल्या फटक्यामुळे जागावाटपात काँग्रेसचा वरचष्मा राहणार आहे. यामुळे निवडून येतील अशा कोणत्या जागांवर दावा करायचा याची यादीही पवारांनी तयार केली आहे.

दमदाटी, धमक्या, असंबद्ध वाक्ये, शिवराळ आणि गुमीर्ची बेबंद भाषा या गोष्टींचे पुरेपूर दर्शन घडवत साताऱ्याचे खासदार उदयन राजे यांनी पत्रकार परिषद गाजवली. ज्या राष्ट्रवादी काँग्रेस पक्षातफेर् ते निवडून आले त्याबद्दल ‘खड्ड्यात गेला पक्ष’ अशा शब्दांत त्यांनी हल्ला चढवला. पोलिस खातेही यामधून सुटले नाही. वृत्तवाहिन्यांवर आज दिवसभर उदयनराजे यांच्या पत्रकार परिषदेची दृष्ये दाखवली जात होती. याला निमित्त घडले ते वकिलांचा मोर्चा आणि त्यांनी केलेली राजे प्रतिष्ठानची नोंदणी रद्द करण्याची मागणी.

सातारा येथील एक वकील अॅड्. विक्रम पवार यांच्या घरात शनिवारी घुसून त्यांना राजे प्रतिष्ठानच्या कार्यर्कत्यांनी मारहाण केल्याच्या निषेधार्थ सातारा येथील वकिलांनी सोमवारी ‘काम बंद ‘ आंदोलन करून सातारा जिल्हाधिकारी कार्यालयावर मोर्चाही काढला होता.

मारहाणीच्या निषेधार्थ राजे प्रतिष्ठानची नोंदणी रद्द करावी आणि मारहाणीच्या प्रकरणातील संशयितांना तातडीने अटक केली जावी, अशाही दोन मागण्या वकिलांच्या आहेत. मोर्च्यानंतर मागण्यांचे निवेदन सातारा जिल्हाधिकारी विकास देशमुख आणि सातारा जिल्हा पोलिस प्रमुख विठ्ठल जाधव यांना देण्यात आले. त्या पार्श्वभूमीवर उदयन राजे भोसले यांनी पत्रकार परिषद घेतली.

काळ्या टीशर्ट मध्ये पत्रकार परिषदेच्या ठिकाणी आलेल्या उदयन राजे यांनी राजे प्रतिष्ठानची नोंदणी रद्द करण्याची वकिलांनी केलेली मागणी निंदनीय आहे, ही नोंदणी रद्द झाल्यास जिल्ह््यात उदेक होईल आणि त्याची सर्व जबाबदारी प्रशासनावर राहील असे सुनावले.

‘पक्ष गेला खड्ड्यात’ असे सांगत, आपण भ्रष्टाचारी नाही , कुणापुढे हात पसरत नाही म्हणून आपल्याला संपवण्याचा घाट घातला जात आहे. पण आपण संपणार नाही. आपल्याविरुद्ध कुंभाड रचले जात असल्याचा आरोपही त्यांनी केला. आपण २२ महिने तुरुंगात होतो, तेव्हा कोणत्या वकिलाला हात लावल्याची घटना घडली नाही. विमानात वकिलांनी एका एअर होस्टेसची छेडछाड केली तेव्हा या वकिलांनी त्याचा निषेध केला का? वकिलांनी काहीही करावे आणि आम्ही ते चालवून घ्यावे हे चालणार नाही, असेही त्यांनी सुनावले.

बहिणीचे संरक्षण करायला गेलेल्या भावावर हात उचलला जातो, पोलिसांना आई बहिण नाही का, की गहाण ठेवल्या आहेत? अशा सवाल करणाऱ्या उदयनराजेंची पत्रकार परिषदेमधील विविध दृष्ये वृत्तवाहिन्यांवर पुन्हा पुन्हा दाखवले जात होती. पोलिसांनी या प्रकरणात आपली आणि आपल्या माणसांची माफी मागितली पाहिजे, अशी मागणी त्यांनी केली. राजे प्रतिष्ठानच्या कार्यर्कत्यांचा वकील मारहाणीप्रकरणी कसलाही संबंध नाही, प्रतिष्ठानचे कार्याध्यक्ष संदीप मोझर व इतरांवरील गुन्हा काढून टाकावा, अशी मागणी प्रतिष्ठानने एका निवेदनाद्वारे केली.